2023 Global Training Bekak

Global Training hainbat erakunderen bidez kudeatzen da, eta beken baterako eskaintza Basque Trade & Investment-en webgunean kontsulta daiteke: https://basquetrade.spri.eus/eu/laguntzak/global-training-nazioartekotzeko-mugikortasun-programa/

Beken ezaugarriak

Kopurua eta iraupena

• Guztira 40 beka eskaintzen dira, 6 eta 12 hilabete bitarteko iraupenekoak.
• Jomugako herrialdera irteera 2023ko azaroaren eta 2024ko urtarrilaren artean irtengo dela aurreikusten da. Ikus eskainitako beken zerrenda.

Beken zuzkidura

• Hilean 1.705 €-ko zuzkidura gordina lehenengo sei hilabeteetan (Gizarte Segurantzako kotizazioaren zenbatekoa eta dagokion atxikipena kendu beharko zaizkiolarik), Euskaditik helmugako herrialdera egindako joan-etorrien, bisatua lortzearen (hala badagokio), ostatuaren eta mantenuaren gastuak estaltzeko. Era berean, istripuetarako eta erantzukizun zibilerako aseguru-poliza batek estaliko du.
• Hasieran, bekaren % 50 ordainduko da garraioko, ostatuko eta mantenuko lehen gastuak ordaintzeko, % 40 bekaren erdian eta % 10 beka amaitzean.

Bidai asegurua

• Bekadunak Erantzukizun Zibileko, Istripuetako eta Bidaiako Laguntzako Asegurua izango ditu atzerrian egiten duen egonaldi osoan, bekadunaren kargurik gabe (kostua HABICek eta IDartek ordainduko dute).
• Erantzukizun Zibileko polizak bekadunak bekaren garapenean hirugarren pertsonei eta/edo erakundeei eragindako kalteen ondorio ekonomikoak estaliko ditu.
• Istripu-polizak heriotzaren, ezintasun iraunkor absolutuaren, osoaren eta partzialaren estaldurak bermatuko ditu, baremoaren arabera, eta bidaiako laguntza-polizak aseguratutako pertsonak jomugako herrialdean dagoen bitartean jasaten duen istripua eta/edo gaixotasuna bermatuko ditu.

Kontratu-harremana

Beka emateak eta hartzeak ez du inola ere bekadunaren eta HABICen eta IDarte, Eusko Jaurlaritzaren edo praktikak egiten diren enpresa edo erakundearen arteko kontratu- edo estatutu-harremanik eragingo.

Bekadunaren betebeharrak

Bekadunaren betebeharra izango da:

• HABICek eta IDartek definitutako jarraipen-txostenak egitea eta bidaltzea.
• HABIC eta IDarterekin lankidetza-hitzarmena sinatzea
• Bisa izapidetzea (beharrezkoa izanez gero).
• Beka baloratzeko inkestetan parte hartzea.
• Bekari uko eginez gero edo kaleratua izanez gero, jaso izandako gehiegizko zenbatekoa itzultzea.
• Enpresak agintzen dizkion zereginak egitea, aurrez ezarritako planaren arabera.
• Jomugako herrialdean praktikak hasi aurreko 52  orduko prestakuntza-ikastarora joatea.
• Helmugako herrialdera iristean, kontsulatuan edo enbaxadan erregistratzea, beka-aldian bizilekua finkatzeko.
• Bekak irauten duen bitartean ordaindutako beste jarduerarik ez egitea.
• Bekak irauten duen bitartean atzerriko beste herrialde batzuetara egiten diren atzerriko bidaiak jakinaraztea.

Baldintzak

• 2023ko urtarrilaren 1ean 30 urte beteta ez izatea.
• Lizentziatura, diplomatura, gradua, goi-mailako lanbide-heziketa edo goi-mailako ikasketak izatea.
• Administrazio-egoitza Euskal Autonomia Erkidegoan izatea, eskabideak aurkezteko epea ireki aurreko 12 hilabetetik gorako antzinatasunarekin, edo aurreko 10 urteetan 5 urtetik gorako antzinatasun jarraituarekin.
• Atzerrian 6 hilabetetik gorako praktikaldiak egiteko aukera eman duen beste beka baten onuradun ez izatea.
• Dirulaguntza edo laguntza publikoak eskuratzea eragozten duen zehapen administratibo edo penalik ez izatea, ezta horretarako ezgaitzen duen legezko debekurik ere.
• B1 ingeles-maila (goi-mailako lanbide-heziketarako) eta B2 maila aurreratua (unibertsitateko tituludunentzat) izatea. Xede-herrialdeko hizkuntza jakitea ere baloratuko da. Hizkuntza-maila hautaketa-prozesuan zehar egiaztatu ahal izango da, ahozko eta idatzizko probaren bidez. Proba hori maila egiaztatzen duen ziurtagiri eguneraturik ez dutenei egingo zaie. Titulu egiaztatzailerik ez baduzu, 4 urte baino gutxiagoko antzinatasuna duena, maila-proba egin behar da elkarrizketaren egunean bertan.
• Izena ematen duen bekaren eskaintzan eskatzen den profilera egokitzea.

Epeak eta hautaketa-prozesua

Eskaera aurkezteko epea laster iragarriko da. Hautaketa-prozesua irailean egingo da, eta honako hauek hartuko ditu barnean:

• CV aztertzea eta titulazioa, prestakuntza, esperientzia eta praktikak baloratzea.
• Ingeleseko proba. Ingeleseko B1 edo B2 maila egiaztatu ezin duten eskatzaileek hizkuntza-proba bat egin beharko dute elkarrizketaren egun berean.
• Elkarrizketa pertsonala, hautagaiaren profila eskatutako enpresarekin eta lanpostuarekin egokia den aztertzeko.
• Bekak esleitzea eta akordioak sinatzea.
• Jomugako herrialdean praktikak hasi aurretiko 40-60 orduko prestakuntza-ikastaroa.

Bekadunak 2023ko azaroaren eta 2024ko urtarrilaren artean aterako dira jomugara.

Eskaera

Eskaera epea

Uztailaren 21etik – irailaren 22rarte.

Beka eskaera

Baieztapena

Eskaera jaso ondoren, mezu elektroniko bat bidaliko dizugu, behar bezala jaso duzula baieztatzeko. 48 lanorduko epean baieztapen hori jaso ezean, jarri harremanetan honako hauekin:

Tel.: +34 943 815 756 edo bekak@habic.eus helbidean.

Berrespenaren ondoren aurkeztu beharreko dokumentazioa

• Eguneratutako CVa
• NAN edo pasaportea
• Errolda-ziurtagiria, honako hau egiaztatzen duena: Euskal Autonomia Erkidegoan administrazio-egoitza duela, eskabideak aurkezteko epea irekitzen den unean 12 hilabete baino gehiagoko antzinatasun jarraitua duela, edo 5 urte jarraian, aurreko 10 urteetan zehar.
• Unibertsitateko edo Lanbide Heziketako titulu akademikoaren kopia, edo titulua jasotzeko eskubideak ordaindu izanaren egiaztagiria, edo dagokion titulazio osoaren proba gainditu duela eta/edo titulua lortzeko eskubideak ordaindu dituela adierazten duen ikasketa-espedientean jasotako nota.
• Hizkuntza-titulu egiaztatzaileen kopia.
• Eskabide-orria beteta, erantzukizunpeko adierazpenarekin batera.